ए डिभिजन लिगमा पुलिस र सरस्वतीको बराबरी


सहिद स्मारक ए डिभिजन लिगमा विभागीय टिम पुलिस सरस्वती युथक्लबसँग बराबरीमा रोकिएको छ । एपीएफको हलचोक मैदानमा शनिबार भएको लिगको आफ्नो अन्तिम खेलमा पुलिसले सरस्वतीसँग १–१ गोलको बराबरी खेलेको हो ।

खेलको ४९ औं मिनेटमा भिक्टोरको पेनाल्टी गोलमार्फत सरस्वतीले अग्रता बनाएको थियो । पुलिसका खेलाडीले सरस्वतीका तिर्थ बस्नेतलाई डिबक्स भित्र फल गरेपछि सरस्वतीले पेनाल्टीको अवसर पाएको थियो ।

५३ औं मिनेटमा पुलिसले बराबरी गोल फर्कायो । निरकुमार राईको पासलाई सदुपयोग गर्दै रवि पासवानले पुलिसका लागि बराबरी गोल गरेका थिए । बराबरीसँगै पुलिसको शीर्ष ६ को स्थान जोखिमपुर्ण बनेको छ ।

पुलिसले १२ खेलबाट १८ अंक जोड्दै तालिकाको छैटौं स्थानमा यथावत छ । एक खेल कम खेलेको हिमालयन शेर्पा १७ अंकसहित सातौ स्थानमा छ । सरस्वती १३ अंकसहित तालिकाको १० औं स्थानमा रहेर लिगको अन्त्य गरेको छ ।

 


Related posts

Leave a Comment