चलचित्र ‘चौका दाउ’ युनिट प्रचार प्रसारको लागि चितवनमा


यहि पुस २७ गतेबाट प्रदर्शनमा आउन लागेको चलचित्र ‘चौका दाउ’ को टोली चलचित्रको प्रचार प्रसार को लागि चितवन पुगेको छ। मंगलबार हेटौंडाबाट आफ्नो मोफसल यात्रा सुरु गरेको चलचित्र ‘चौका दाउ’ को टोलीले बुधबार चितवनमा पत्रकार भेटघाट आयोजना गरेर चलचित्रको बारेमा जानकारी दिएको हो ।
पत्रकार भेटघाटमा चलचित्र निर्देशक पुर्णेन्द्र झाले चलचित्रमा विभिन्न हाँस्य कलाकारले अभिनय गरेको र चलचित्र समाजिक हाँस्य विधामा निर्माण गरिएकोले समाजमा देखिएका समस्यालाई हाँस्यव्यंग्य तरिकाले चलचित्रमा उतारिएको बताए। चलचित्र चार जना बुडाहरुले केटिसँग सम्बन्ध राख्न के के गर्न तयार हुन्छ भन्ने बिषयमा रहेर निर्माण गरिएको बताए । चलचित्रले अहिलेको समाजको यथार्थ देखाउने झाले बताए।

पत्रकार भेटघाटमा बोल्दै वरिष्ठ कलाकार एवं चलचित्रका मुख्य कलाकार सन्तोष पन्तले समाजको यथार्थलाई चलचित्रको पर्दामा कैद गरिएकाले सबैले हेर्नैपर्ने बताए। आफ्नो रोल सुरु बाट अन्तिमसम्म भएको र कथा वस्तु मन परेर अभिनय गरेको बताउँदै पन्तले एक पटक सबैलाई हेर्न अनुरोध गरे ।

नायिका वर्षा राउतले मानिसले काम बिगारेपछि त्यसको भागिदार आफै हुनु पर्ने भन्ने सन्देश चलचित्रले दिएको बताइन्।आफुले यस चलचित्रमा सन्तोष पन्त लगायत अन्य पुराना र नयाँ कलाकारसँग काम गर्दा खुसि लागेको बताउँदै चलचित्र साँच्चिकै राम्रो बनेको बताइन् ।

पूणेन्दु झा निर्देशित यस फिल्ममा विल्सन विक्रम, रबिन्द्र झा , सन्तोष पन्त, तैयब शाह, अजस्र ढुंगाना, वर्षा राउत, रोशनी सापकोटा, सुनिता श्रेष्ठ ठाकुर, निर्मल शर्मा, सागर सिग्देल लगायतको अभिनय रहेको छ।

शम्भुजित बास्कोटाको कथा र संगीत रहेको फिल्मलाई मनोज राजभण्डारी र सौर्यजित बाँस्कोटाले निर्माण गरेका हुन्। सिनेमामा शम्भुजीत बास्कोटाको कथा, अभिमन्यु निरवीको पटकथा तथा संवाद, दीर्घ गुरुङको छायांकन, मित्र डि गुरुङको सम्पादन रहेको छ ।
चलचित्र एक करोड रुपैयाँ भन्दा बढि लगानीमा निर्माण भएको बताइएको छ ।


Related posts

Leave a Comment