दलहरूबीच ठुलै खिचातानी छ कि भन्ने नठान्नु, हामी सबै मिलेर जान्छौंं: प्रचण्ड


प्रनिश थापा, चितवन, ।

पूर्व प्रधानमन्त्री तथा सत्तारुढ नेकपाका अध्यक्ष पुष्पकमल दाहालले मुलुकलाई समृद्द बनाउन सत्ता पक्ष र प्रतिपक्ष एक भएर अगाडि बढ्ने सहमति भएका दावी गरेका छन् । हामी सत्ता पक्ष, प्रतिपक्षबीच राष्ट्रिय मुद्दामा मिलेर जाने सहमति छ उनले भने, माथि दलहरूबिच ठुलै खिचातानी छ कि भन्ने नठान्नु । भूकम्प पुननिर्माण सम्बन्धी जिल्ला समन्वय बैठकमा सम्बोधन गर्दै अध्यक्ष प्रचण्डले प्रधानमन्त्री केपी ओली, काँग्रेस सभापति शेरबहादुर देउवा र आफुबीच बैठक बसेको र राष्ट्रिय मुद्दामा मिलेर जाने सहमति भएको स्पष्ट पारेका छन् । प्रचण्डले भुकम्पपछिको पुनर्निमार्ण उत्साहजनक भएको बताए ।

विगतमा के भए धेरै तनाव नलिउँ । अब सबै हातेमालो गरेर अगाडी बढ्ने हो दाहालले भने । उनले विगतमा भएका कुरामा टेन्सन लिने भन्दा पनि सबैले हातेमालो गरेर अगाडि बढ्न उनले आग्रह समेत गरेका छन् । अध्यक्ष दाहालले भने,“राष्ट्रिय मुद्दामा मिलेर काम गर्ने बारेमा प्रधानमन्त्रीजीको अध्यक्षतामा शेरबहादुरजी, म लगायत वरिष्ठ नेताको महत्वपूर्ण बैठक बसेर राष्ट्रिय मुद्दामा समझदारीका साथ जाने कुरा भएको छ ।” जिल्ला तहमा पनि जनप्रतिनिधि एक ठाउँमा बसेर पुनःनिर्माण र विकासका मुद्दामा छलफल गर्न उनले सुझाव दिए । अध्यक्ष दाहालले भूकम्प प्रभावितलाई ऐलेनी र वनको जग्गामा पुनःनिर्माणमा परेको समस्या समाधान गर्न प्रधानमन्त्री समक्ष आग्रह गर्ने बताए । राष्ट्रिय पुनःनिर्माण प्राधिकरणका प्रमुख कार्यकारी अधिकृत सुशील ज्ञवालीले स्थानीय तहसँग समन्वय गरी अघि बढ्न पुनःनिर्माणका अधिकार स्थानीय तहमा प्रत्यायोजन गर्न लागिएको बताए ।

दुई वर्षपछि प्राधिकरण नहुने भन्दै यसले हासिल गरेका अनुभव लाई स्थानीय तहमा पुर्‍याउन लागिएको उनले बताए । पुनःनिर्माणको काम स्थानीय तहमार्फत हुँदा दिगो हुने उनले बताए । सांसद कृष्णभक्त पोख्रेल, प्रदेशसभा सदस्य घनश्याम दाहाल, रामलाल महतो, रीना गुरुङ्, कालिका नगरपालिकाका प्रमुख खुमनारायण श्रेष्ठ, राप्ति नगरपालिका प्रमुख प्रभा बराल, इच्छाकामना गाउँपालिका प्रमुख गीता गुरुङ्, रत्ननगर नगरपालिका का उपप्रमुख बिमला दुवाडी लगायतले बोलेका थिए । सो अवसरमा जिल्लाका एक महानगरपालिका, चार नगरपालिका र एक गाउँपालिकाका प्रमुख एवं उप(प्रमुखसँग राष्ट्रिय पुनःनिर्माण प्राधिकरणका तर्फबाट सम्झौता गरिएको थियो । सम्झौतामा स्थानीय तह र प्राधिकरणले गर्ने कामका विषयमा ११ बुँदे समझदारी गरिएको छ । बैठकमा हालसम्म प्राधिकरणले जिल्लामा गरेका कामका विषयमा प्राधिकरणका कार्यकारी सदस्य हरीराम पराजुली र जिल्ला आयोजना कार्यान्वयन एकाइ अनुदान व्यवस्थापन तथा स्थानीय पूर्वाधार कार्यालय भरतपुरका आयोजना व्यवस्थापक पुष्करप्रसाद पोख्रेलले प्रकाश पारेका थिए। भूकम्पले जिल्लाका सात हजार ३३५ घरधुरीमा क्षति पुर्‍याएको थियो ।


Related posts

Leave a Comment