टी–१० क्रिकेटः सन्दीपको सनसनीपूर्ण प्रदर्शन


यूएईमा जारी टी-१० क्रिकेट लिग अन्तर्गत नेपाली राष्ट्रिय टोलीका सदस्य सन्दीप लामिछाने रहेको केरला नाइट्स र राजपुट्सबीचको खेल रद्द भएको छ ।

सारजाहमा जारी खेल बर्षाले बिथोलिए पछि रद्द भएको हो । खेल बर्षाले रोकिएसंगै दुवै टोलीले एक एक अंक बाडेका छन् ।

बर्षाले खेल रोकिनु अघि टस हारेर पहिले ब्याटिङ गरिरहेको राजपुट्सले ९ ओभरमा ५ विकेट गुमाएर ९४ रन जोडेको थियो । राजपुट्सका जोन इभान्स ३८ रनमा अविजित थिए ।

बर्षाले खेल रद्द भएपनि नेपाली लेग स्पिनर सन्दीपले आफ्नो उत्कृष्ट प्रदर्शनलाई निरन्तरता दिए । राजपुट्सविरुद्ध सन्दीपले २ ओभर बलिङ गर्दै २३ रन खर्चेर २ विकेट लिए ।

सन्दीपले आफ्नो पहिलो ओभर र दोस्रो ओभरमा एक एक विकेट लिए । सन्दीपले पहिलो ओभरमा मोहमद साहजादलाई १ रनमा आउट गरे । यस्तै सन्दीपले आफ्नो दोस्रो ओभरमा कार्लोस ब्रेथवेथलाई १ रन नै पेभेलियन फर्काए ।


Related posts

Leave a Comment